Къасбот Тамбиев Гёджеб

Муз. и сл. Касбота Тамбиева.

Песня о Хаджи-Мурате Аккаеве (спортсмене-тяжелоатлете, серебряном призёре летних Олимпийских игр 2004 года в Афинах, бронзовом призёре летних Олимпийских игр 2008 года в Пекине, чемпионе Европы и мира 2011 года...)

Тауда, ташда ёсген миллет
Хар неге да амал билед.
Кан бла кирген джан бла чыгъар,
Онглу халкъдан онглу тууар.

Нарт къаласы - тау Малкъарым,
Ёмюрден да уланларынг
Сени атынгы айтдыргъанла,
Сау дуниягъа танытханла.

Чегем элинг, дайым сыйынг -
Анда туугъанды Къайсынынг.
Энтда андан чыкъды улан
Сау дунияны бойсундургъан.

Олимпияда оюнлагъа
Джол ачылгъанд таулулагъа.
Къурч темирни белин бурад
Аккаланы Хаджи-Мурат.

Темирленни джыйыб бирге,
Джерден алыб, тутсанг ёрге,
Кёрюнесе сен Атлантча,
Кёкню кёлтюрюб тургъанча.

Нарт темирчи Дебетча сен
Темирлени сюйдюнг кёлден,
Штанга спортха тырмашханенг,
Санларынгы къатдыргъаненг.

Спорт дегенинг къыйын джолду.
Маккаланы Махти болду
Санга устаз, джол кёргюзген,
Тюз лагъымлагъа юретген.

Кюч бла билим бир болсала,
Сенсе, менсе деб турсала,
Къысыб, ташны ууатырла,
Темирге да джан салырла.

Сау дуния билди атынгы,
Билди сени Малкъарынгы.
Хаман бар сен алгъа-алгъа,
Аманат бол бир Аллахгъа!

Бой бермединг онглулагъа,
Тенглик этдинг тулпарлагъа,
Халкъда болду сыйынг мийик,
Минги Таугъа чыкъхан кибик.

Санга къууаннган халкъынгы,
Сен бек сюйген Малкъарынгы,
Ёс джюреги, ёхтем мурат,
Гёджебибиз Хаджи-Мурат!

Халкъы ючюн алгъа баргъан,
Миллетине къууанч салгъан
Кёб болсунла, шах Малкъарым,
Хаджи-уратча джашларынг!

Халкъы ючюн алгъа баргъан,
Миллетине къууанч салгъан
Кёб болсунла, шам Малкъарым,
Хаджи-Муратча джашларынг!